{ رقيت من عصري }

رقيت من عصري على راس تلّه                مبعد عن إزعـاج المـلا والمدينـه

جـيـت ابمـكـانٍ صــاد مـحـدٍ يـدلّـه         والنفس تهوى اللي يحـرّك حنينـه

يغرينـي البـوح الشهـي واستحلّـه         فلّيت ضوضـاي وطويـت السكينـه

يا حبْـر سجّـل وأحفظـي يـا مجلّـه         و يـا قـاف غـرّد للعيـون الحزينـه

شـعـري يباريـنـي ســواة الأظـلّـة         نمشـي سـوا دايـم وعينـي بعيـنـه

واقـول يـا عـلّ الحـروف ابمحـلّـه         وأنقش مـن المعنـى فرايـد ثمينـه

الـزود مـا فـوق المواجـيـب كـلّـه         و من قام بالواجـب تبيّـض جبينـه

لا شـكّ مـا يبـري جـروح المـذلّـه         يـا كـود زودٍ مـا خلـط مــاه طيـنـه

الـعـقْـل أرضٍ والمـواقـيـف فـلّــه         خطّـط وعـمّـر والتـجـارب معيـنـه

درس الزمن بستان والوقت سلّه         أغنم مـن أعنابـه وخوخـه وتينـه

منجـوم مـن ضيّـع وقـوت الأهلّـه         تمضي سنينه ما درى وش سنينه

و من تاه في نصّ البحر واستدلّه         يرجع على الميناء يقود السفينـه

و زبـــدة القـيـفـان دقــــة وجــلّــه         بـا قولـهـا واقـطـع بشـكّـي يقيـنـه

عايـش وشايـف زود خلّـه وعـلّـه         و يامـا فريـت احبـال فـكـرٍ متيـنـه

حنّـا بجيـلٍ عجْـل مـحـدٍ فـطـن لّــه         فيه البطى محبوس مثـل الرهينـه

أمـا كتبـت الحـلـم كـتـب السجـلّـه         والا مـن الـواقـع تــذوق الغبيـنـه

{ ما على الدنيا حسوف وندم }

يا أبو محمد ما على الدنيـا حسـوف ونَـدَمْ                    الناس عرجى والليالي مثل عدْي الحصان

الواقـع الملمـوس قــد غـيّـر كثـيـر وهَــدَمْ           ما كان كاين والعوض باللي بقى بالزمان

كثر الحكي ومخالط الجمهور نصفـه عَـدَم           عجاج صحـراء مالـه حـدودٍ وظـل ومكـان

من ضيّع عيونـه وهـو ينظـر بشكـل القـدم           يموت ما نال الشرف وأوجد لنفسـه كيـان

يا شين ضعـف الحـر لا منّـه غـدى منْعَـدَم           و يا زين قوّ العبـد لا شقّـق ثيـاب الهـوان

أحــرار لـكـن للـقـدر نبـقـى عـبـيـد وخَـــدَم           وحريّتـك لا مـن تطعّمـت الرضـا والقـران

ووقفْـت فتـرة منعـزل كنّـك رجــل منـصـدم           حللّت ما حولك وسرت وقلـت ربـي هـدان

{ الحمام اللي سجع بين النخيل }

الحمـام اللـي سجـع بـيـن النخـيـل              هـو عـلـى زود الـفـرح والا وزاء

ضاعت أفكاري وأنا أسمع للهديل              اختـلـط صــوت التهـانـي بالـعـزاء

مـا تعـب همّـي وأنــا كـلـي هـزيـل              لا دفنتـه قـام حــيّ (ن) واعـتـزاء

هيـه يالـواقـع وأنــا عـابـر سبـيـل              لا تـواخـذنـي عـلــى جـــدّ و هــــزاء

الزمن يركض على صدري دخيـل              و لا لقـى غيـر المحانـي لـه لـزاء

حيرتـي حملـه عـلـى كتـفـي ثقـيـل              يكفـي احظـوظـي تعاقبـنـي جــزاء

خطوتي شابـت علـى درب الخليـل              و راحت أحلامي فوازيـر اتحـزاء

مـا كسرنـي غيـر تـوديـع الرحـيـل              شف بي أنياب المواجيع أغـرزاء

يـا مـلا تــدرون وش معـنـاة ويــل                          لا تكسّـر سيفـك و خصمـك غـزى

{ جيت المنـاخة }

مقصورة القفيعي

النخل القديمه ( تاريخه أكثر من 250 عام )

مجلس فهيد القفيعي (الشوشلي)

مدخل مجلس الشوشلي

مقبرة أم القلبان

صور من قرية أم القلبان

.

.

.

جيـت المناخـة غيبـة الشمـس منـقـاد            قـالـوا عـلامـك قـلــت خـلّــو سبـيـلـي

هـــذا حنـيـنـي وأكـثــر الـنــاس نـقّــاد            وش عـاد لـو قالـوا لـي أنّــي هبيـلـي

رجـــلٍ بـــلا مـيــراث تـمـثـال بـأبـعـاد            هيكل مشـى لأطـراف جسمـه يشيلـي

شمس الأصالة تحرق اعيون الأحقاد            تـبـقـى مـــدى وغـيـابـهـا مستـحـيـلـي

مـا تمحـي الماضـي سواليـف حـسّـاد            ولا تبـنـي الحـاضـر كـفـوف القلـيـلـي

حي المكـان اللـي حضـن كـل الأجـداد            فــي مـوقـعٍ مــا هــو بحـاجـة دلـيـلـي

نقـطـة مصـافـح نـجـد لـرمـال الأنـفـاد            الـبـيـر والـقـصْـر و سـمــوّ النخـيـلـي

وأطـلال تحكـي وقــت مــا راح ينـعـاد            مــن طينـهـا أقــرا شـمـوخ الأصيـلـي

و فرق النصايب ترسم أموات الالحاد            عـظــام حـيّــه لـــو لـحـمـهـا يـزيـلــي

روحــي تسـلـل فــي مقابـيـر الأجــواد            ليـن اسرحـت نفـسـي بــدربٍ طويـلـي

أرحل مع الذكرى علـى خيـل الأمجـاد            ترحـال يعـدي بــي ويصـهـل صهيـلـي

أفقد حضور الواقع وشـوف الأجسـاد            مــا كــان راحــل والـبـقـى للرحـيـلـي

الوجْـد فـي حلقـي غـدى لقْـمَـة الــزاد            عــقــب الـمـجـاعـة لــذّتــه تهتـنـيـلـي

لا جيـت اترجـم حالـي بكلـمـة الـضـاد            كـنّ الحـروف إلـهـا جـنـاح و هديـلـي

رفّـت تساجـع فوقـي أسـراب وأفــراد            و لـو لا المعانـي مـا تخـفّـف عويـلـي

مـا ضمّـت أشفاهـي تباسيـم الأسـعـاد            وإلــيــا بــــدى دق الـثـوانــي ثـقـيـلـي

بوح الحشى من دور شـدّاد ابـن عـاد                      فضفـض عـن الهايـم وســوّا جميـلـي

{ أوراق على طرف }

.
.
.

.

.
][®][^][®][.][®][^][®][
.
(1)

.

يالمحتطب في غابـة الشرّ (وش جـاك؟؟

.....................................من المنـافع ) قـلّي وقــول معذور

.

لكــن بـليّـا أســباب فـاســك بـيـمـنــاك

....................................تـعـوّدت نفـسك على الظلْم والجور

.

.

.
.

][®][^][®][.][®][^][®][

.

(2)
.

نـهـر الحـيـاة الفـانـيـة دوم يــجـري

...............................والعمْــر جسْـر امن الخشب صار فـوقه

.

كلٍ بـرقـْـل أخـشـابـه الـيـوم يــدري

...............................حذرا يطـيــح الجسـْـر ما أوفـى حقـوقه

.

.

.
.

][®][^][®][.][®][^][®][

.
(3)

.

شهــد مـالـي على التشريع قدره

.............................ولا لـــي فـالأمـــور أيــّـه خـــيــارا

.

كـذا نصبر وفـيـنا الـصـبْر بـــذره

.............................نــمــت بالـقـلـب مــن دمـْع الحيارا

.

تحــت ظــلّه لـنا راحــة وعـبـره

...........................عن اشموس العناء ورمضا المرارا

.

شهــد شـفتي عـربْنا كـيف كثره

...........................و ربــــــي كــلّــهم دونــك غـــبــارا
.

شفي دار الحقـايق صـار جـذره

...........................عـلـى أوراق الـزمـن مالــه قـــرارا

.
.

.

.
][®][^][®][.][®][^][®][

.

(4)
.

يــــ/ باب إلـيا متـى وأنت مجـْـفي

...............................تــرى صـبري تهرّت حبـاله

.

ولـك عـيـنــي تنـاظــر (وتـخْـفي

..............................غزيـر الدمْـع) والحال حاله

.
.
.

{ من عاش بلسانه سواة البهيمه }

.

.

غنّـيـت قــافـي والنـوايـــا كـريمه

.................................أبدي شعور الــذات والروح مبداه

.

حبـر القلـم نار و ورقـها هشـيمه

.................................أكتب هجـوس البـال والعـين تـقراه

.

أنـطـق وتـفهـمـني عـقـولٍ فهـيمه

.................................النـطق سـرّ القصـد والقلب غطّـاه

.

قــدّمت قــولي للصــدور السلـيمه

.................................يوم المرض كبْرت على البعض بلواه

.
سخّـرت شـعـري والمنـابع حكـيمه

.................................أطـرح مـن الـواقع تصـاويـر معنـاه
.

ربـّـي عـوينـي والمبـادي عزيـمه

.................................واليوم قلـت الـرأي والعرْف مغـزاه

.

من عـاش بلْسـانه سـواة البهـيمه

.................................والأ الكـفـو يعتـاش مـن كـدّ يمنـاه

.

كلمة شـرف قلتـه ونفسـي حشـيمه

.................................مـا هـمّـنـي نـاقــد يـمثّـل حكـايـاه

.

ملّـت كبـود الـنـاس مــرّ الهزيـمه

................................و ملّت عقول الناس من زيف الأشباه

.

كلّـت نــواظرْهـــم لـشـوف الظلـيمه

.................................و كلّـت مســامعهم أكـاذيب الأفـواه

.

إلـيا متــى الليـل ايـتزايــد عتــيمه

.................................أبطى الشــروق اللـي رغبـنا لقاياه

.

تجرحـني ادموع الحـزن من يتـيمه
................................تبكي على ابوهـا اللي الموت خفّـاه
.
و يحزنّـي الظلـم و ســواد الجريمه
.................................لا كشّـــة اجلــود المظــالـيـم ويــلاه
.
و تقهرنـي اجروح العــوام السقــيمه
.................................لا جاء كـلام أفـواهـهم مثْـل رمضـاه

.

عجـزْت لا وصـّـف مشــاعر حطـيمه
................................و عجزْت لاأوْصف دنيتي عبر الأشفاه
.
الـنـاس صـمتى والمــواقـف كلـيمه
.................................صوتٍ يكْـتّـم والزمــن يظـهر أصداه
.

.

.

{ شجرة الزيتون }

.

أضغط على الصورة مرة واحدة لكي تشاهدها بالحجم الكبير

.

.

.

شجرة الزيتون من مزرعة الوالد الواقعة في حائل إلتقطتها في صيف 1430هـ

.

.

.

.